Droni i cili ra sot pa asnjë shenjë identifikuese në oborrin e një shtëpie në lagjen Bair të Mitrovicës, ka madhësi rreth 2 metrash.

Fluturakja siç merr vesh Klankosova.tv, tashmë është larguar nga zona në të cilën ra, dhe është marrë nga autoritetet e Policisë së Kosovës.

Klankosova.tv ka siguruar fotografi nga vendi i ngjarjes, e që të njëjtin dron, mund ta shihni në pamjet më poshtë:

Kujtojmë se ditë më parë, në kryeqytetin kroat, në Zagreb, kishte rënë një dron i ngjashëm, i cili ishte prodhim sovjetik.

Ndërsa, ministri kroat i Mbrojtjes, Mario Banozhi, pati konfirmuar se mbetjet e një bombe ajrore të përdorur në avionët e prodhimit sovjetik janë gjetur në mbetjet e dronit që u rrëzua në Zagreb.